Morenika

Foto de Matheus Ferrero

Morenika a mi me yaman

yo blanka nasí

i del sol del enverano 

yo m'ize ansí.

Morenika 

grasiozika sos

tú morena i yo grasiozo i ojos pretos tú 

Morenika a mi me yaman

los marineros

si otra ves a mi me yaman

me vo kon eyos.

Abashésh morena 

si kerésh venir

ke la nave ya'sta en vela i ya va partir.

Morenika a mi me yama 

el ijo del rey

si otra ves a mi me yama 

me vo yo kon él.

Dizime galana

si kerésh venir

los velos tengo fuetres non puedo yo venir.

Morenika a mi me yaman 

yo blanka nasí, 

i de pasear galana 

mi kolor pedrí.

Vestido de vedre 

i de altelí

k'ansina dize la novia kon el chelibí

Morenika a mi me yaman 

yo blanka nasí.

.